新世代機器支援Mobile App操作

智能家居日漸興起,而智能電話己成為生活不可缺少的物件。每個人都希望能用手機做任何事,其重視度遠遠超出電腦的需要。支援網絡連接的咖啡機早已不是什麼新鮮事,但近日有公司發佈一款除了技援 Wi-Fi 功能的咖啡機,並可以通過 App 進行操控。
可以通過APP控制機製作簡單的咖啡,置的咖啡豆粉碎裝置會在準備就緒時向用推送通知。咖啡機的配套 Apps 支援 Android 和 iOS 平台,並且會在需要放豆加水時提醒用
可見機器及智能電話的關係更加緊密,不再只是利用APP單方面控制機器,還可以互 相通知以便用戶即時反應及了解機器情況。
而近日有新科技能不需用戶用APP手動控制機器運作,只需利用距離接收APP便可以利用內置信號控制機器,而用戶即可以隨時享受到科技帶來的方便。
廣告

認真做件無聊事,真的無聊嗎?

平時好多時會係網上面,睇到唔少外國人,會用好認真的心態,去做一件無聊事。近日大熱的一個由 Microsoft 透過 Azure 雲端處理技術製造出來的相片辨識服務,透過人臉辨識再以雲端伺服器的資料辨識出相中人的大約年齡。雖然結果唔係幾準,個結果又真係得啖笑,但咁認真去做一件事,從而做到 viral 效果,又真係幾抵讚的。
Screenshot_2015-05-02-14-23-44a
其實好多人都會好認真去做一件無聊事,話道昨日小編趁放假去睇一個展覽,其中一項展品係創作人將一幅畫升上太空然後用 GoPro 拍住由地面升上太空再降落,然後透過 GPS 去搵番個相機的過程。一般人都會覺得幾過癮,但又確實有啲無聊,不過見到創作人做這件外間人覺得無聊事的認真態度,又不得不佩服。不過 Edward 想講的是,這些利用科技所做的「無聊」事,真的是「無聊」嗎?
Edward 做了科技記者都有 10 年以上,見盡好多新科技最終可以量產並應用係生活上,但開初的時候,都俾人覺得係好無聊的。就好似最近報導過,自拍「神棍」其實係三十年前就由一位日本人上田弘發明了,而且亦申請了專利,不過當時大家都覺得上田先生當時的發明好無聊,而且亦不受歡迎。但沒想到今時今日,自拍「神棍」會是如此大熱的配件?
講番今次呢個由 Microsoft 研發的年齡辨識服務,事實上都唔係啲咩新科技,之前都有手機有呢項功能,唔少人都覺得呢項服務只係 Microsoft 用來展示 Azure 雲端處理能力的「陳列品」。事實上,呢項服務都唔算係「成功」的陳列品,因為以今日的辨識技術,加上 Azure 呢個資料庫的資料都未夠多,所以好多時辨識出來的結果都差好遠,小編身邊就試過有朋友拿張 BB 相去辨識,結果個服務就辨認出個 BB 係有 12 歲(不老症?!?!)!結果,呢個引來近兩日 viral 的服務,只係大家「得啖笑」的茶餘飯後談論話題,都認真算係一件無聊事。
Screenshot_2015-05-02-14-27-55a
點解丁蟹同大仔丁孝蟹只係相差 11 歲?11 歲生到個仔?lol
Screenshot_2015-05-02-14-26-43
▲之後小編用睇波時擷取的相辨識球證的年齡,原來得「27 歲」,真係年青有為哦!
▲最後試下辨識小編自己的年齡:29 歲!嘩,咁 tum 我開心呀 lol!
不過,今日大家見到的「無聊」,其實已是 Microsoft 行出的一大步,當雲端科技一直發展落去,當資料庫的數據愈來愈多,難保他日這項今日只能辨認出相中人年齡,而且仲要唔準確的服務,會唔會可以發展到去極準確地用人臉去認人(而家雖然都有,但民用化的仍然唔太準確)、衍生出更個人化更體貼的服務(例如:用人臉辨認你的身份,就可以知道你想買咩然後幫你做埋網購訂日常生活必需品)等?說實在,Edward 唔係好似《尋秦記》入面的項少龍咁係未來人,所以而家都講唔定,不過相信當雲端處理同埋相關辨識科技繼續發展落去,今日大家看似「無聊」、「茶餘飯後」的事,就會成為可以幫助大家生活更美好的服務或產品了。Edward 十分期待這一日的到來呢!
Screenshot_2015-05-02-14-25-02
▲今時今日的技術,有時相片都未必辨識到相中人的年齡。
Screenshot_2015-05-02-14-24-02
▲幸好 Microsoft 都有釋放出用於辨識人臉的 Face APIs,未來應該有更多更有用、更準確並應用係生活上的方案吧?
Microsoft how-old 服務網址:http://how-old.net/